患者個案分享

記得有位細路仔，佢父母本身都唔知個仔有自閉症，只係一直覺得點解佢同大佢2歲嘅哥哥分別咁大，而且成日做出啲古怪行為，既硬頸又固執，令到親子關係都變得好差，後來父母雙方係管教上都出現咗好大嘅分歧，令媽咪覺得好吃力、好無助。

直至有一日，仔仔係學校出手打人，媽咪知道呢個消息後接近崩潰，打算攬住仔仔一齊輕生，後來被老公阻止，咁先避免咗呢場家庭悲劇發生，之後媽咪覺得自己情緒有問題，於是就同仔仔一齊去睇醫生，結果醫生診斷出仔仔有自閉症，喺接受適當治療下，而家進度好理想。因此，作為家長，平日都要提高警覺，如果懷疑子女有自閉譜系症，就一定要盡快睇醫生。

---

摘文：自閉症患者嘅治療師聯盟 註冊臨床心理學家 劉洛恩小姐

文章刊登及圖片來源：打開自閉症兒童的天空
如有任何版權問題，請與致電2687 6777與我們聯絡，我們將盡快跟進及刪除相關圖片。