自閉症患者嘅治療師聯盟

自閉症患者嘅治療師聯盟

自閉症小朋友有唔同嘅症狀,需要好多人同心合力,例如臨床心理學家會幫小朋友評估智商、語言及感官能力,按小朋友嘅情況,建議佢哋接受唔同嘅治療。

如果佢哋有固執性嘅問題,好易變得激動,就會轉介精神科專科醫生幫手,可能需要為小朋友處方精神科藥物,嚟舒緩佢哋情緒上嘅波動;部份小朋友嘅語言發展可能有啲遲緩,呢個時候就要言語治療師出動;而職業治療師就會幫肌肉發展較差嘅小朋友,改善佢哋嘅手腳協調,有需要時還會進行感官統合能力嘅訓練;當然,最佳嘅治療師一定非家長莫屬,父母嘅愛心、耐心照料先係最重要。


摘文:自閉症患者嘅治療師聯盟 註冊臨床心理學家 劉洛恩小姐

文章刊登及圖片來源:打開自閉症兒童的天空
如有任何版權問題,請與致電2687 6777與我們聯絡,我們將盡快跟進及刪除相關圖片。

自閉症患者嘅治療師聯盟
Scroll to top