老師應對策略

自閉症小朋友有時會喺學校做出啲激烈行為，老師首先要穩定佢哋嘅情緒，避免過度懲罰行為。舉例說，老師停止小朋友嘅過激舉動後，冷靜完就可以同對方討論一下剛才發生嘅情況，了解背後原因以及教導佢哋用正確方法表達自己嘅情緒。

另外，老師亦可以用獎勵計劃鼓勵小朋友學習，例如做好事就有靚嘅貼紙，做得唔啱就有肉酸嘅貼紙，具體化咁話畀小朋友知行為嘅好壞，提升佢哋學習嘅動力。當然，喺學校層面上，老師必須好好保護自閉症小朋友，以及其他同學嘅安全，至為重要。

---

摘文：自閉症患者嘅治療師聯盟 註冊臨床心理學家 劉洛恩小姐

文章刊登及圖片來源：打開自閉症兒童的天空
如有任何版權問題，請與致電2687 6777與我們聯絡，我們將盡快跟進及刪除相關圖片。